Kæru félagsmenn,

við vekjum athygli ykkar á eftirfarandi tilkynningu frá Rannís:

„Tónlistarsjóður hækkaður um 50 milljónir vegna átaks ríkisstjórnar 2022

Viðspyrnuaðgerð ríkisstjórnarinnar hækkar fjárframlag til Tónlistarsjóðs um 50 milljónir til að efla slagkraft tónlistar eftir erfiða tíma og styðja við viðburðahald á árinu.

Hlutverk Tónlistarsjóðs er að efla íslenska tónlist og stuðla að kynningu á íslenskum tónlistarmönnum og tónsköpun þeirra

Veittir eru styrkir til almennrar tónlistarstarfsemi og til kynningar og markaðssetningar á tónlist og tónlistarfólki. 
Styrkir úr Tónlistarsjóði eru veittir til ákveðinna verkefna og að jafnaði ekki lengur en til eins árs í senn.

Umsóknartímabil er til 2. maí 2022 kl. 15.00.

Upplýsingar og umsóknargögn er að finna á: rannis.is.

Umsóknum og lokaskýrslum skal skila á rafrænu formi á netfangið: tonlistarsjodur@rannis.is“

 Munið að umsóknarfrestir í Tónlistarsjóð eru tvisvar á ári, í maí og nóvember.

Bestu kveðjur,

Starfsmenn FíH